bakit sa tuwing ako’y masaya,
maya’t maya’y biglang maglalaho
ang liwanag sa’king mga mata
at ang kasiyaha’y tuluyang mawawala?
bakit sa tuwing katawa’y manghihina;
pagtapos kong gumaling
ay ‘di pa rin maalis ang lumbay
na tuluyang sumasakop sa puso’t isipan?
bakit sa tuwing nagkakaro’n ng problema,
ako’y tila hindi na makatakas
mula sa mahigpit na hawak
ng matinding kalungkutan?
bakit sa tuwing lakas ay nanunumbalik,
may darating na pangyayaring
lubos na wawasak sa bagong tatag
na kumpiyansa sa sarili?
bakit?
drones and lilies ; 